Partizani do të zhvillojë sfidën e radhës në kampionat jashtë kryeqytetit për shkak të punimeve në impiantin e tij.
Përballja ndaj Laçit do të luhet në stadiumin “Egnatia Arena” të Rrogozhinës. Takimi është programuar të zhvillohet ditën e shtunë, me fillim nga ora 18:30.
Arsyeja kryesore e kësaj zhvendosjeje lidhet me ndërhyrjet që po kryhen në “Arenën e Demave”. Si rrjedhojë e këtyre punimeve, skuadra e kuqe do të detyrohet t’i zhvillojë ndeshjet e saj si vendëse në fusha të tjera për disa javë.
Klubi ka marrë masat e nevojshme për të siguruar mbarëvajtjen e sfidës në impiantin e Rrogozhinës.
