Dinamo ka njoftuar një afrim të rëndësishëm për mbrojtjen. Bëhet fjalë për portugezin Andre Teixeira, i cili vjen pas aventurës së fundit tek Anorthosis në Qipro.
Kujtojmë se 32-vjeçari ka dalë nga të rinjtë e Portos, ndërsa ka luajtur me ekipe si Belenense, Trofense, Mafra dhe Leixoes në Portugali.
Njoftimi:
Mirë se vjen Andre Teixeira!
Klubi i Dinamo City ka kënaqësinë të njoftojë zyrtarisht arritjen e marrëveshjes me mbrojtësin portugez Andre Teixeira. Lojtari 32-vjeçar ka firmosur kontratën dhe është gati për t’u vënë nën urdhrat e trajnerit Ilir Daja.
Presidenti Adrian Bardhi bën goditjen e radhës, duke fuqizuar edhe mbrojtjen e skuadrës dinamovite, pas blerjeve të bëra më parë.
Andre Teixeira vjen te Dinamo City me një eksperiencë të konsiderueshme. Ai është formuar te Porto si futbollist dhe përveç disa skuadrave në Portugali, ka luajtur edhe në Izrael, Greqi dhe së fundi në Qipro.
Suksese me fanellën blu Andre Teixeira!
/Cna
