Klubi i Vllaznisë po punon në merkato për të përforcuar organikën përpara paraqitjes në arenën ndërkombëtare në Ligën e Konferencës, duke synuar disa lëvizje në formë huazimi nga Partizani.
Përveç sulmuesit Rrok Toma, i cili shihet si një çështje e mbyllur për t’u bashkuar me shkodranët për të zëvendësuar të larguarin Çarls Bismark dhe për të ndihmuar Bekim Balajn në repartin ofensiv, kuqeblutë kanë një tjetër dëshirë të madhe.
Vllaznia po tenton të sigurojë në formë huazimi edhe mesfushorin e “demave”, Arafat Doumbia.
Megjithatë, transferimi i liderit të mesfushës së kuqe mbetet një pistë mjaft e vështirë për t’u realizuar, ndonëse dëshira dhe kontaktet e drejtuesve shkodranë nuk mungojnë.ç
