Hetimet e Prokurorisë së Napolit kanë zbuluar lidhje të drejtpërdrejta mes klubit të futbollit Juve Stabia dhe klanit mafioz D’Alessandro, pjesë e strukturës së Camorrës.
Sipas një urdhri gjyqësor prej 28 faqesh, çdo aktivitet rreth stadiumit “Romeo Menti” është nën kontrollin e organizatës kriminale, nga biletat dhe siguria, te shërbimet dhe tregtia ambulante. Janë identifikuar bileta të falsifikuara, abonime në emër të personave që nuk ekzistojnë dhe kompani të lidhura me klanin.
Edhe grupet ultras janë pjesë e sistemit të kontrollit, duke menaxhuar hyrjet dhe imponuar rregullat me frikë dhe dhunë. Stadiumi është kthyer në një simbol pushteti, ku tifozët shijojnë futbollin pa e ditur se pasioni i tyre përdoret për qëllime kriminale.
Klubi aktualisht renditet në vendin e shtatë të Serisw B, ndërsa pronarët e tij nuk kanë dhënë ende reagim zyrtar. Në qershor, kompania irlandeze Brera Holdings bleu 52% të aksioneve të klubit, por hetuesit theksojnë se marrëdhëniet me elementë të mafies janë të trashëguara prej vitesh.
/Cna
