Vllaznia triumfoi 1-0 ndaj Bylisit në transfertë, në ndeshjen e parë në çerekfinalen e Kupës së Shqipërisë.
Shkodranët iu falën një goli të shënuar nga Lirim Kastrati me penallti në minutën e 28-të, për të marrë fitoren.
Në krahun tjetër, ballshiotët kishin pretendime, fillimisht për një penallti të anuluar nga VAR dhe më pas për një prekje me dorë në zonë nga Sala, që nuk u akordua 11 metërsh.
Në fraksionin e dytë, ritmi i ndeshjes u ul ndjeshëm dhe nuk kishte më gola.
Vllaznia hedh një hap të madh drejt gjysmëfinales, ndërsa ndeshja e kthimit do të luhet në Shkodër më 4 mars.
