Kombëtarja e Polonisë do të ketë një mungesë të rëndësishme në repartin e sulmit për përballjen decizive ndaj Shqipërisë në muajin mars.
Klubi i Serie A, Udinese, ka njoftuar zyrtarisht se sulmuesi Adam Buksa ka pësuar një dëmtim që do ta mbajë jashtë fushave gjatë periudhës së ndeshjeve ndërkombëtare.
29-vjeçari pritet të rikthehet në aktivitet vetëm pasi të përfundojë kjo dritare e FIFA-s, duke humbur kështu mundësinë për të ndihmuar kombëtaren e tij. Ky lajm konsiderohet pozitiv për kuqezinjtë tanë, duke pasur parasysh se Adam Buksa u kishte shënuar gol në fitoren e polakëve në vitin 2021.
Sfida mes Polonisë dhe Shqipërisë është programuar të luhet më 26 mars në Varshavë dhe vlen për fazën “play-off” drejt Botërorit 2026. Trajneri i polakëve tashmë duhet të gjejë alternativa të tjera për të zëvendësuar forcën goditëse të sulmuesit të Udinese.
