Pas dështimit ku Italia humbi mundësinë e kualifikimit në Botëror për të tretën herë radhazi, futbolli italian është përfshirë nga një krizë e thellë, sa i përket drejtimit.
Presidenti i Federatës Italiane, Gabriele Gravina, ka thirrur një mbledhje emergjente për të enjten, më 2 prill 2026, ku do të marrin pjesë përfaqësuesit e të gjitha ligave dhe shoqatave të futbollit.
Pavarësisht presioneve të larta nga Ministri i Sportit, Andrea Abodi, Gravina ka lënë të kuptohet se nuk ka ndërmend të largohet.
Ndërkohë, presidenti i Lega Serie A, Ezio Maria Simonelli, pranoi se ekziston një presion i jashtëzakonshëm mbi kreun e federatës pas këtij dështimi. Diskutimet e së enjtes pritet të përcaktojnë jo vetëm fatin e Gravinës, por edhe drejtimin e ri që do të marrë struktura e futbollit në Itali.
Situata mbetet e tensionuar, teksa opinioni publik dhe politika kërkojnë përgjegjësi të menjëhershme për gjendjen e “Axurrëve”.
