Mike Maignan do të jetë pjesë e Milanit edhe për sezonin e ri, pavarësisht se në fillim të merkatos Chelsea tentoi ta afronte. Francezi, është një figurë kryesore e skuadrës kuqezi dhe kapiten i saj.
Trajneri Allegri e vlerëson si një nga më të mirët në Evropë dhe e ka përfshirë si element kyç në projektin e tij. Pas merkatos, drejtori Tare planifikon të rifillojë kontaktet për rinovimin e kontratës së Maignan.
Klubi synon të shmangë rastet e mëparshme kur lojtarë si Donnarumma dhe Çalhanoğlu u larguan si lojtarë të lirë.
Propozimi parashikon një kontratë të re për tre vite shtesë dhe një pagë prej rreth 5 milionë eurosh, nga 3 milionë aktualisht.
Maignan, pjesë e Milanit që nga viti 2021, dëshiron të luajë një sezon të rëndësishëm para Kupës së Botës. Ai mbetet i rëndësishëm në strategjinë e klubit për të ruajtur stabilitetin në skuadër.
