Mesfushori i Kombëtares, Qazim Laçi ka marrë lajmin e ëmbël, se do të bëhet baba për herë të parë. Lojtari dhe partnerja e tij, Marine Vincetti kanë dhënë lajmin e lumtur përmes një videoje të ëmbël në Instagram.
Ata kanë ndarë momente nga ekografia dhe zbulimi i lajmit për familjarët e tyre, të cilët e kanë mësuar pasi çifti i ka dhënë secilit nga një veshje fëmijësh.
Marine ka ndarë edhe një dedikim krah videos:
“Ajo ka qenë gjithnjë aty… Në një cep të zemrës sime, në çdo frymëmarrje shprese, në çdo lutje të heshtur. Koha kalonte, por dëshira nuk u zbeh kurrë. Sot, ajo rreh nën lëkurën time si një premtim më në fund i mbajtur. Jemi të mbushur me mirënjohje. Po numëroj ditët derisa të të takoj, je ajo që kemi pritur kaq gjatë”, duke zbuluar se fëmija që pritet të vijë në jetë është vajzë.
