Nedim Bajrami vazhdon të jetë në qendër të vëmendjes te Rangers, pasi është lënë jashtë skuadrës për ndeshjen e javës së nëntë në kampionatin skocez.
Fantazisti i Kombëtares shqiptare nuk është përfshirë në listën e lojtarëve të gatshëm nga trajneri i ri, Dani Rohl. Gjermani drejtoi sot ndeshjen e tij të parë në kampionat përpara tifozëve të Rangers.
Më herët, debutimi i tij kishte qenë në Ligën e Europës, ku skuadra u mund 3-0 nga Bran, takim ku Bajrami nuk mund të aktivizohej për shkak se nuk është federuar për garat evropiane.
Futbollisti shqiptar mbetet një nga lojtarët më të rëndësishëm të Kombëtares, me 29 ndeshje të zhvilluara dhe kontribut në 11 gola, mes tyre 4 asistime. Aktualisht ai po përballet me një periudhë të vështirë në karrierë, duke mos gjetur hapësirën e dëshiruar në klub.
Bajrami ka kontratë me Rangers deri në verën e vitit 2028, por mungesat e tij në formacion janë bërë të përsëritura.
