Flamurtari ka mbetur pa trajner pas largimit të Carlos Garcias nga stoli teknik. Klubi vlonjat ka vendosur shkarkimin e trajnerit spanjoll, pas një serie rezultatesh negative në kampionat.
Pas gjashtë javësh në Superiore, Flamurtari renditet në fund të tabelës me vetëm dy pikë. Ecuria e skuadrës ka qenë shumë poshtë pritshmërive, pasi para sezonit u shpallën objektiva për zonën e lartë të renditjes.
Garcia nuk arriti të regjistronte asnjë fitore, duke grumbulluar vetëm dy barazime dhe katër humbje. Humbja ndaj Dinamos ishte pika e fundit që solli vendimin për shkarkimin e tij. Spanjolli refuzoi të jepte dorëheqjen dhe ka qenë vetë klubi që e ka shkarkuar.
