Shorti i hedhur në Nion të Zvicrës ka përcaktuar jo vetëm përballjet e 1/8-ve, por edhe të gjithë rrugëtimin e skuadrave drejt finales së madhe të Champions League.
Tashmë nuk ka më kthim prapa, çdo gjigant evropian e di saktësisht se kë duhet të mposhtë për të ngritur trofeun.
Shorti ka prodhuar përplasje “big” që në start. Nëse Real Madrid apo Manchester City do të avancojnë, ata do të gjejnë përballë fituesin e çiftit Atalanta-Bayern Munich në çerekfinale.
Në të njëjtin krahë, Liverpooli nëse kalon Galatasaray-n, do të presë fituesin e duelit PSG-Chelsea.
Në krahun tjetër të tabelës, Barcelona pas ndeshjes me Newcastle, pret fituesin e çiftit Atletico Madrid-Tottenham.
Ndërkohë, Arsenali, që përballet me Leverkusenin, nëse kalon do të ndeshet në çerekfinale me fituesin e sfidës Bodo/Glimt-Sporting Lisbona.
Ky short hipotetikisht na ofron përballje çerekfinale “të zjarrta” si Real-Bayern apo PSG-Liverpool.
