Ndeshja Serbi-Shqipëri do të jetë vendimtare për kualifikueset e Kupës së Botës 2026. Pas kërkesës së Federatës Serbe të Futbollit, kjo sfidë nuk do të zhvillohet në Beograd.
Stadiumi “Rajko Mitic” nuk do të presë përballjen, pasi serbët kanë kërkuar zhvendosjen për shkak të frikës nga trazirat. UEFA ka pranuar kërkesën dhe ndeshja do të luhet në Leskovac, në stadiumin “Doçica”.
Ky impiant ka një kapacitet prej 8.000 vendesh, shumë më i vogël se stadiumi i Beogradit me 52.000 vende. Zyrtarizimi i këtij vendimi pritet të bëhet nga UEFA në ditët në vijim.
Paralelisht, Serbia rrezikon një dënim për sjelljen e tifozëve në ndeshjen me Anglinë. Masat pritet të përfshijnë mbylljen e një pjese të stadiumit dhe gjobë financiare.
