Serbia duket në vështirësi para ndeshjes me Shqipërinë, e vlefshme për kualifikueset e Botërorit.
Objektivi për të kaluar kuqezinjtë në renditjen e grupit është bërë më i vështirë për shkak të mungesave.
Trajneri Dragan Stojkoviç nuk do të ketë në dispozicion Nikola Milenkoviçin dhe Sasha Lukiçin, të skualifikuar për shkak kartonësh. Edhe Kosta Nedjelkoviç është në dyshim për shkak dëmtimi, duke e shtuar listën e mungesave, por edhe panikun në kampin serb.
Për të plotësuar boshllëqet, tekniku serb po shqyrton alternativa të reja. Në këtë kuadër, përmenden emra si Aleksandër Stankoviç dhe Andrej Iliç, që kanë filluar të spikasin në futbollin europian.
Sfidën e radhës Serbia do ta luajë në stadiumin “Duboçiça” të Leskovacit.
