Tirana pritet të luajë në stadiumin “Selman Stërmasi” për sezonin e ri, deri sa ai të prishet. Fusha dhe ambientet e brendshme janë rregulluar, duke u bërë gati për të pritur ndeshje të Superiores.
Për të ndodhur kjo, duhet leja nga FSHF dhe nuk duket aq e lehtë. Klubi duhet të investojë për të rregulluar rrethimin e jashtëm dhe të brendshëm, që skuadra të marrë licencën për të luajtur në “Selman Stërmasi”.
LEXO EDHE: 3 gola të shënuar, mbyllet miqësorja Elbasani-Tirana
Nëse Tirana rregullon rrethimin e jashtëm e të brendshëm deri në nisje të kampionatit, atëherë mund të luajë në këtë stadium.
Kjo do të ishte pozitive për tifozët, por edhe për klubin, që në sezonin e fundit u detyrua të shtegtojë në të gjithë Shqipërinë.
