Në Kategorinë e Dytë, kanë shpërthyer polemikat për arbitrimin. Ankesat vijnë nga Eagle Football, skuadër e cila u mposht 2-1 nga Devolli në transfertë.
Andi Matraxhiu, drejtues i klubit Eagle, ka shpërthyer në akuza ndaj anësorit Kleanthi Hitollari, i cili sipas tij, vendosi fatet e takimit, me vendimet e dyshimta.
POSTIMI I PLOTË:
Hajduti Hitollari, Van Dami i Bilishtit!
Humbëm sot ndaj Devollit në një transfertë delikate. Por kur ndeshja po karakterizohej nga një garë e bukur sportive, protagonist bëhet anësori Kleanthi Hitollari. Një “kamikaz” që në fundin e pjesës së parë lejoi golin e parë të vendasve, 1 metër jashtë loje! Në Bilisht, Hitollari mori rolin e Van Damit duke vendosur ndeshjen me anshmërinë e tij!
I bëj thirrje përgjegjësit të arbitrave, z. Sokol Jareci, të zhdukë nga arbitrimi të tillë aktorë të shëmtuar që i prishin imazhin logos së FSHF-së.
Klubi ynë s’do ndalet me kaq. Ditën e nesërme do të dërgojë një shkresë zyrtare ndaj këtij “palaçoje”, ku do të shpallet “non grata” nga skuadra jonë.
