Taulant Seferi duket në formë të jashtëzakonshme në këtë fillim sezoni. Sulmuesi shqiptar vazhdon të shënojë pa u ndalur për skuadrën e Bodrumspor, në Ligën e Parë turke.
Seferi ishte protagonist absolut në fitoren 5-0 që skuadra e tij mori ndaj Hatayspor. Lojtari kuqezi asistoi në një gol dhe shënoi dy herë, duke ndihmuar ekipin e tij.
Goli i parë i takimit u shënua nga Dumanli në minutën e 5-të, ku asistin e dha Seferi. Skuadra e shqiptarit vazhdoi spektaklin me dy gola të tjerë nga Fredy dhe Brazao.
Në fundin e pjesës së parë, Seferi kompletoi dopietën personale, duke shënuar në minutat 39 dhe 44.
Goli i parë i Taulant Seferit: (VIDEO)
Goli i dytë i Taulant Seferit: (VIDEO)
Me këtë dopietë, 28-vjeçari shkon në kuotën e shtatë golave në kampionatin turk. Gjithashtu ai numëron edhe tre asiste në nëntë ndeshje të zhvilluara.
Pavarësisht formës së shkëlqyer, Seferi nuk u ftua nga trajneri Silvinjo për dy ndeshjet e muajit tetor, ku Kombëtarja do të përballet me Serbinë dhe Jordaninë.
/tvklan
