Naci Sensoy nuk është më trajner i Laçit. Sipas raportimeve të fundit, mes palëve ka ardhur ndarja, pas ngjitjes në Superiore. Sensoy ishte vendimtar për kurbinasit, pasi mori drejtimin e ekipit në një moment të vështirë dhe ia doli ta dërgojë deri në vendin e parë.
Sukses ndaj Pogradecit siguroi ngjitjen në Superiore, ndërsa triumfi 0-1 ndaj Skënderbeut në javën e fundit, me gol në shtesë, i dha bardhezinjve vendin e parë. Me këtë sukses, Laçi siguroi edhe shpërblimin nga Federata Shqiptare e Futbollit, prej 30 mijë eurosh.
Me rikthimin në elitë, tashmë te Laçi kanë nisur nga puna për të zgjedhur trajnerin e ri. Skuadra pritet të pësojë ndryshime të shumta në verë, kjo edhe për shkak se disa lojtarëve iu ka përfunduar kontrata.
Kujtojmë se Laçi qëndroi një vit në Kategorinë e Parë, pasi edicionin e kaluar, nuk siguroi dot mbijetesën mes më të mirëve në elitë. Sensoy largohet nga Laçi pas një sezoni të suksesshëm dhe tani lind nevoja drejtuesve për të zgjedhur një trajner të ri.
Për momentin në klub kanë marrë pushimet, por në muajin qershor pritet të ketë një mbledhje, ku do të diskutohet për skuadrën që do të luajë në elitë, por edhe për trajnerin e ri.
