Shqipëria është gati për përballjen me Serbinë, ndeshje e vlefshme për kualifikueset e Botërorit. Trajneri Silvinjo ka përfunduar përgatitjet dhe ka përcaktuar formacionin që do të zbresë në fushë.
Në portë do të jetë Thomas Strakosha, ndërsa mbrojtja do të përbëhet nga Elseid Hysaj dhe Mario Mitaj në krahë, me Arlind Ajetin dhe Berat Gjimshitin në qendër.
Në mesfushë pritet të luajnë Qazim Laçi, Kristjan Asllani dhe Juljan Shehu. Në sulm, Armando Broja do të veprojë në krahun e djathtë, ndërsa Manaj do të mbajë rolin e qendërsulmuesit.
Për krahun e majtë, balotazhi është mes Bajramit dhe Hoxhës, me këtë të fundit që shihet më pranë formacionit për shkak të formës së mirë në klub. Kombëtarja kuqezi duket e përqendruar dhe gati për një ndeshje të rëndësishme që mund të ndikojë drejtpërdrejt në objektivin për Botërorin.
