Jannik Sinner ka hyrë në historinë e tenisit italian duke u bërë lojtari i parë nga Italia që fiton titullin në Wimbledon. Numri një në botë mposhti Carlos Alcaraz në finale me rezultatin 4-6, 6-4, 6-4, 6-4 pas më shumë se tre orësh lojë.
Edhe pse humbi setin e parë, Sinner riktheu menjëherë kontrollin e ndeshjes dhe nuk humbi më asnjë shërbim. Ky ishte titulli i katërt Grand Slam për të në karrierë, pas dy fitoreve në Australian Open dhe një tjetër në US Open. Me këtë triumf, ai shlyen edhe zhgënjimin e Roland Garros-it.
Fitorja në Wimbledon është e para e tij në një turne madhor europian. Me këtë sukses, ai konsolidon pozicionin si lider i padiskutueshëm i renditjes botërore. Sinner tashmë është figura më përfaqësuese në historinë e tenisit italian.
