Skuadra e Skënderbeut kryeson renditjen e Kategorisë së Parë me 40 pikë pas përfundimit të 17 javëve të para.
Pas këtij suksesi në kampionat, ekipi korçar do të nisë vitin 2026 me ndeshjen e turit të tretë të Kupës së Shqipërisë kundër Tiranës.
Trajneri Ernest Gjoka përballet me mungesa të shumta në formacionin titullar për këtë sfidë. Lojtarët si Saleh Nasr, Lukas Vaskez dhe Randi nuk janë bashkuar ende me grupin për shkak të pushimeve dhe vonesave të udhëtimit.
Gjithashtu, mesfushorët Baba Musa dhe Salim Abubakar mungojnë për arsye procedurale lidhur me vizat e qëndrimit. Aktualisht, ekipi po kryen fazën përgatitore në Durrës me lojtarët që ka në dispozicion.
Padyshim mungesa më e madhe mund të quhet ajo e Nasr, sulmuesit egjiptian që është kthyer në një pikë të rëndësishme për skuadrën juglindore dhe ka qenë vendimtar me golat e tij.
Stafi teknik po punon për të gjetur zgjidhje taktike alternative për të zëvendësuar titullarët e munguar. Kjo situatë pritet t’u krijojë hapësirë lojtarëve të rinj për të treguar vlerat e tyre në fushë.
