Skënderbeu ka zgjidhur pengesat ligjore duke zhbllokuar merkaton e verës përpara sfidës së sotme ndaj Dinamos.
Pasi shlyen të gjitha detyrimet dhe pagesat e prapambetura pranë FIFA-s, korçarët morën miratimin zyrtar edhe nga FSHF.
Federata Shqiptare e Futbollit ka regjistruar menjëherë blerjet e reja, duke i bërë ato të gatshme për lojë. Në këtë mënyrë, trajneri Julian Ahmataj do të ketë një kontingjent dukshëm më të plotë në dispozicion për vazhdimësinë.
Lista e futbollistëve të federuar sot përfshin Sejdi Amadu, Amadu Diallo, Maksimiliano Doda, Ousman Drame, Reild Kurti, Georgios Lagonidis, Luan Lleshi, Enur Totre dhe Nikola Veliçkovski.
Të gjithë emrat e saporegjistruar kanë të drejtë të zbresin në fushë që në përballjen e sotme. Me këto përforcime të rëndësishme, “ujqërit” futen me pretendime më të mëdha në kampionat. /CNA
