Sot ishte planifikuar të zhvillohej ndeshja e javës së parë mes Naftëtarit dhe Valbonës në Kategorinë e Dytë, por takimi nuk u luajt.
Arsyeja lidhet me mosprezencën e skuadrës së Valbonës, e cila nuk është shfaqur në fushë. Kjo sjellje pritet të ketë pasoja direkte, pasi sipas rregullores, ndeshja i kalon kundërshtarit me rezultat në tavolinë.
LEXO EDHE: FIFA me “dorë të hekurt”, pezullohen 7 lojtarë. Vendimi drastik
Përveç këtij rasti, Valbona përballet edhe me pasiguri të mëtejshme për vazhdimësinë e sezonit. Vështirësitë e klubit janë të dukshme, si në aspektin organizativ ashtu edhe atë sportiv.
Një tjetër problem është bllokimi i merkatos nga FIFA, gjë që ndikon në përforcimet e skuadrës. Këto zhvillime e bëjnë të paqartë të ardhmen e ekipit në kampionat.
