Largim surprizë te skuadrës e Vorës në Superiore. Sulmuesi lituanez, Manfredas Ruzgis ka njoftuar largimin nga ekipi.
Futbollisti, i cili u shndërrua në pikën kryesore të repartit ofensiv gjatë edicionit të tij të parë në Kategorinë e Parë, është përballur me probleme të shumta fizike përgjatë këtij sezoni. Ndryshe nga viti i kaluar ku arriti të shënonte një bilanc mbresëlënës prej 24 golash në 30 ndeshje të zhvilluara, këtë vit ai e tundi rrjetën vetëm një herë.
Dëmtimet e njëpasnjëshme u bënë pengesë kryesore që lojtari të tregonte potencialin e tij të plotë në elitën e futbollit shqiptar. Përgjatë periudhës së suksesshme me ekipin vorak, performancat e tij pozitive bëri që ai të merrte edhe një ftesë zyrtare nga përfaqësuesja e Lituanisë.
Nëpërmjet një postimi në llogarinë e tij, sulmuesi ka përshëndetur ambientin e klubit dhe mbështetësit e tij në këtë mbyllje cikli. Ai vuri në dukje se ky rrugëtim dyvjeçar ishte i mbushur me eksperienca të ndryshme profesionale dhe mësime të vlefshme për karrierën e tij.
Lojtari shprehu mirënjohje të veçantë për periudhën kur skuadra arriti të shpallej kampione dhe të siguronte ngjitjen një kategori më lart. Në mesazhin e tij të ndarjes, futbollisti i uroi suksese të mëtejshme klubit dhe të gjithë personave që janë pjesë e kësaj strukture sportive.
Tashmë, me largimin e konfirmuar të bomberit lituanez, drejtuesit e Vorës do të duhet të studiojnë tregun për gjetjen e një zëvendësuesi në repartin e avancuar.
