Superiorja/ Nuk ka gola në kryeqytet dhe Rrogozhinë

Dy ndeshjet e fundit për këtë të shtunë në Superiore, nuk prodhuan as fitues dhe as gola.

Egnatia dhe Dinamo ndanë nga një pikë mes tyre, pas barazimit 0-0 në Rrogozhinë. Të dyja ekipet, kishin raste për shënim, por nuk i shfrytëzuan si duhej.

Në fund të dyja ekipet e mbyllën ndeshjen me nga 10 lojtarë. Te Dinamo u ndëshkua me të kuq Lorran, ndërsa tek Egnatia Xhemajli.

Pas këtij barazimi, Egnatia mban vendin e dytë me 14 pikë, ndërsa Dinamo renditet në vendin e pestë me 11 pikë.

Në duelin tjetër, Tirana dhe Teuta po ashtu barazuan pa gola në “Air Albania”. Dy portierët nuk kishin shumë punë, për shkak se mungoi saktësia e duhur.

Tirana renditet në vendin e tetë me 6 pikë, ndërsa Teuta renditet e treta me 11 pikë.