Trabzonspori ka zyrtarizuar listën e lojtarëve për ndeshjen e radhës kundër Alanyaspor, ku bie sy mungesa e Ernest Muçit.
Ndonëse sulmuesi shqiptar u përpoq të testohej në seancën e fundit stërvitore, stafi mjekësor vlerësoi se ai nuk është ende gati për t’u rikthyer në fushë.
Ky është takimi i dytë radhazi që Muçi humbet për shkak të dëmtimit të pësuar javën e kaluar, pas mungesës në duelin kundër Galatasaray-t.
Mungesa e tij vjen në një moment kritik për ekipin, që ndodhet në garë për titullin kampion në Superligën turke.
Aktualisht, Trabzonspori gjendet në vendin e dytë, me një diferencë prej katër pikësh nga kreu i renditjes.
