Egnatia merr një lajm pozitiv para ndeshjes ndaj Dinamo City, e cila do të luhet të dielën në “Air Albania”, pasi trajneri Edlir Tetova është rikthyer pranë skuadrës në stërvitje.
Ai iu nënshtrua disa ditë më parë një operacioni në zemër dhe mungoi në duelet ndaj Flamurtarit dhe Vorës. Sot, tekniku u shfaq në fushë dhe ndoqi seancën stërvitore nga stoli, duke sinjalizuar se gjendja e tij shëndetësore është stabilizuar.
Egnatia është e fokusuar te sfida me Dinamo City, një përballje direkte për objektivat e kampionatit. Grupi është i plotë, me Jefferson që është bashkuar sërish me ekipin. Megjithatë, Tetova nuk do të jetë në stol në ndeshjen e së dielës.
Në dy takimet e fundit, skuadra është drejtuar nga ndihmëstrajneri Julian Brahja, që mori një humbje 0-1 ndaj Flamurtarit dhe më pas një fitore 2-0 kundër Vorës.
