Teuta triumfoi minimalisht ndaj Vllaznisë në Shkodër, në duelin e javës së 13-të në Superiore. Një disfatë që konfirmon edhe njëherë tjetër periudhën e vështirë të shkodranëve.
Në startin e takimit, Teutës iu anulua goli i avantazhit nga Boçi, për faull të Arifit gjatë aksionit. Pas disa tentativave, durrsakët gjetën avantazhin në minutën e 84-t me Mario Beshirajn, që shënoi pasi u fut nga stoli.
Ky gol vulosi fitoren e Teutës, që ngjitet në vendin e katërt me 21 pikë, 3 më pak se Vllaznia, që ka zbritur në vendin e dytë.
Nuk prodhoi fitues dueli tjetër mes Elbasani dhe Partizanit. Pavarësisht rasteve të shumta, asnjëra nga skuadrat nuk shënoi dot golin e fitores.
SHIKONI RENDITJEN KETU: https://vetemsport.com/java-e-12-superiore-renditja/
Ky barazim, i bën punë Elbasanit, që kryeson i vetëm me 25 pikë, ndërsa Partizani ngjitet në vendin e gjashtë me 14 pikë të grumbulluara.
