Ashtu siç edhe pritej, Teuta është mbajtur në Kategorinë Superiore edhe për një tjetër sezon.
Durrsakët triumfuan 1-0 ndaj Pogradecit në “play out”, falë një goli të shënuar në shtesë nga Klejdi Daci.
Megjithatë, përveç golit, asistin më të rëndësishëm e dha dyshja Enea Jorgji dhe Olsid Ferataj në minutën e 81-të.
Jorgji, me urdhër nga VAR, u ftua të shikonte një rast të diskutueshëm të Pius në dyluftim në mesfushë dhe akordoi karton të kuq, duke lënë liqenorët me 10 lojtarë.
Pas këtij rasti, Teuta mori zemër dhe shënoi në shtesë me Dacin, i cili dërgoi në rrjetë një top të mbetur në zonë.
Me këtë sukses, Teuta do të luajë në Superiore, të paktën edhe për një tjetër sezon, ndërsa Pogradeci do të luajë në Kategorinë e Parë, një verdikt i vendosur nga arbitrat.
