Sezoni aktual duket shumë i vështirë për dy ekipet e kryeqytetit, Tiranën dhe Partizanin, të cilat pësuan humbjet e radhës.
Bardheblutë u mposhtën në derbi nga Dinamo, me rezultatin 2-1. Në një ndeshje të luftuar në “Selman Stërmasi”, ishin të besuarit e Dajës që festuan në fund.
Golat e fitores u shënuan nga Gudiaby dhe Vila, ndërsa për Tiranën golin e vetëm e realizoi Patsatsia me penallti.
Dinamo rikthehet të suksesi pas tre ndeshjeve, ndërsa ngjitet në vendin e dytë me 7 pikë, ndërsa Tirana renditet e fundit me vetëm 2 pikë.
Në takimin tjetër, Bylis triumfoi 3-1 me përmbysje ndaj Partizanit. Kryeqytetasit kaluan në avantazh me Isgandarli, por u përmbysën nga dopieta e Malomos dhe Mouctar.
Pas kësaj humbje, Partizani zbret në vendin e tetë me 4 pikë, ndërsa Bylis ngjitet i gjashti me 6 pikë.
/Cna
