Portieri Baboucarr Gaye, që po shkëlqen me Shkëndijën në garat europiane, ka tërhequr vëmendjen e shumë skuadrave.
Sipas asaj që raportohet nga “infosport.mk”, për shërbimet e portierit nga Gambia interes serioz kanë shfaqur Vllaznia dhe Tirana, ndërsa gjithashtu në garë janë edhe disa klube nga Belgjika, Bullgaria dhe Turqia.
Në ditët e ardhshme pritet të merret një vendim përfundimtar për të ardhmen e lojtarit, i cili i ka mahnitur të gjithë me paraqitjet e tij te Shkëndija.
Këtë verë, Tirana ka afruar portierin Angelos Tafas, ndërsa Vllaznia mori gjermanin Leon Pöhls.
