Klubi i Tiranës ka bërë një lëvizje mjaft interesante për të përforcuar radhët për pjesën e dytë të sezonit. Bardheblutë kanë kthyer në ekip një emër që i njeh mirë dhe që ka treguar se mund të jetë vendimtar në Superiore.
Mësohet se atyre u është bashkuar sulmuesi nga Liberia, Emanuel Ernest, i cili u kishte dhënë lamtumirën kryeqytetasve gjatë verës për t’iu bashkuar klubit të USM Alger në Algjeri. Një transferim nga i cili Tirana përfitoi financiarisht dhe që mendohej se kishte mbyllur kapitullin e tij te bardheblutë.
Por eksperienca në Algjeri nuk ka shkuar siç pritej për Ernest, i cili e ka mbyllur shumë shpejt marrëveshjen me klubin atje dhe prej kohësh ishte në negociata me bardheblutë për kthimin në Superior.
Sulmuesi 25-vjeçar ka bërë mirë në ato pak muaj sa ishte pjesë e Tiranës që iu bashkua në janarin e vitit 2025, me 4 gola të shënuar në 13 ndeshje, mes të cilëve edhe një në derbin ndaj Partizanit.
