Nottingham Forest ka emëruar Sean Dyche si trajnerin e ri të skuadrës. Trajneri anglez, 54 vjeç, ka nënshkruar kontratë deri në verën e vitit 2027.
Ai është tekniku i tretë që merr drejtimin e ekipit gjatë këtij sezoni. Dyche zëvendëson Ange Postecoglou, i cili u shkarkua pas vetëm 39 ditësh në detyrë dhe pas humbjes 3-0 ndaj Chelsea-t më 18 tetor.
Postecoglou nuk arriti të fitojë asnjë nga tetë ndeshjet e drejtuara, duke marrë vetëm dy barazime. Para tij ishte shkarkuar edhe Nuno Espirito Santo, që qëndroi në stol për vetëm tre ndeshje.
Nottingham Forest ndodhet aktualisht në vendin e 18-të në Premier League, me vetëm një fitore në tetë takime.
Debutimi i Dyche do të jetë më 23 tetor në Ligën e Europës kundër Portos, ndërsa në fundjavë ekipi përballet me Bournemouth në kampionat.
/Cna
