Federata Shqiptare e Futbollit, njofton dhe ish-futbollisti i Kombëtares, Agustin Kola, po kalon një moment të vështirë shëndetësor.
Në postimin e saj, FSHF-ja, i uron shërim të shpejtë, ndërsa Kola ndodhet i shtruar në spital.
“Federata Shqiptare e Futbollit i uron shërim të shpejtë ish-futbollistit legjendar të Kombëtares, Agustin Kola, i cili po kalon një moment të vështirë shëndetësor. Forca Agustin, jemi të gjithë me ty”, shkruan FSHF.
Sipas “Top Channel”, ish-sulmuesi i famshëm bardheblu është diagnostikuar me ulçerë në stomak, çka ka detyruar mjekët të ndërhyjnë për trajtim të specializuar. Mjekët konfirmojnë se gjendja e Kolës është e qëndrueshme dhe se ai po i përgjigjet mirë terapisë, ndërsa pritet të qëndrojë nën kujdesin e stafit mjekësor edhe për pak ditë të tjera.
