Gjatë ndeshjes derbi mes Tiranës dhe Partizanit, u shënuan incidente të rënda në shkallët e stadiumit.
Disa tifozë sulmuan punonjësit e sigurisë dhe shkaktuan dëme materiale në ambientet sportive.
Si pasojë e këtyre veprimeve, policia ka identifikuar dhe shoqëruar tre persona. Të arrestuarit akuzohen për thyerje të stolave dhe hedhje të lëndëve plasëse në fushë.
Autoritetet konfirmuan se situata u vu nën kontroll pas ndërhyrjes së forcave të rendit.
NJOFTIMI I POLICISË
Specialistët për Hetimin e Krimeve të Komisariatit të Policisë Nr. 1 arrestuan shtetasit:
-J. L., 23 vjeç, pasi dyshohet se ka goditur punonjësit e sigurisë, gjatë ndeshjes së futbollit “Tirana–Partizani”;
-K. A., 22 vjeç, pasi dyshohet se ka hedhur lëndë piroteknike gjatë ndeshjes së futbollit “Tirana–Partizani”;
-G. C., 18 vjeç, pasi dyshohet se ka thyer stola, në tribunat e stadiumit, gjatë ndeshjes së futbollit “Tirana–Partizani”.
