FIFA ka bllokuar merkaton e klubit të Bylisit për tre sesione transferimesh radhazi.
Ky sanksion vjen nga institucioni më i lartë i futbollit botëror për shkak të ankesave të depozituara në dritaren e tyre juridike.
Vendimi është bërë publik më datë 21 prill 2026, ndërkohë që emri i lojtarit që ka fituar gjyqin mbetet ende i pazbuluar.
Ky dënim vjen në një moment kritik për klubin ballshiot, i cili po lufton për qëndrimin në elitën e futbollit shqiptar.
Nëse ky sanksion mbetet në fuqi, klubi i Superiores nuk do të ketë mundësi të regjistrojë lojtarë të rinj deri në janar të vitit 2028.
