Sezoni debutues në Superiore, ka nisur në mënyrën më të keqe të mundshme për Vorën. Përveç humbjes ndaj Partizanit, Vora duhet të përballet edhe me një problem tjetër.
Ylli i ekipit, Françesko Hasaj u largua me barelë nga fusha dhe dëmtimi ka rezultuar shumë i rëndë. Fantazisti do të mungojë për gjashtë muaj dhe viti për të është mbyllur.
Te Vora shpresojnë ta kenë gati për fazën e tretë dhe të katërt të kampionatit.
Njoftimi i klubit:
Raport mjekësor për Francesko Hasaj
Klubi njofton se pas ekzaminimeve të kryera nga stafi ynë mjekësor, është konfirmuar se lojtari Francesko Hasaj ka pësuar dëmtim (ACL).
Periudha e rikuperimit parashikohet të zgjasë rreth 6 muaj, gjatë së cilës lojtari do të ndjekë të gjitha procedurat e nevojshme rehabilituese nën kujdesin e stafit mjekësor të klubit.
Klubi i uron Franceskos rikuperim sa më të shpejtë dhe kthim sa më të shpejtë në fushë.
