Kombëtarja e Kepit të Gjelbër po përballet me një situatë të ndërlikuar jashtë fushës në mes të pjesëmarrjes historike në Kupën e Botës.
Kapiteni Ryan Mendes është përfshirë në një hetim pas një akuze për përdhunim të ngritur nga një grua braziliane. Sipas pretendimeve, ngjarja e dyshuar ka ndodhur në Zelandën e Re gjatë një turneu të zhvilluar në muajin mars.
Gruaja, e cila punonte si përkthyese për kombëtaren e Kepit të Gjelbër, pretendon se futbollisti ka hyrë në dhomën e saj, e ka sulmuar fizikisht dhe më pas e ka përdhunuar.
Policia e Aucklandit ka nisur hetimet lidhur me rastin. FIFA ka bërë të ditur se është në kontakt me autoritetet e Zelandës së Re dhe po ndjek zhvillimet.
E gjithë kjo ndodh në një moment kur Kepi i Gjelbër ka arritur për herë të parë në fazën me eliminim direkt të Kupës së Botës.
