Tirana do të duhet të bëjë llogaritë pa kapitenin Redon Xhixha për dy sfidat e radhës.
Sulmuesi 27-vjeçar nuk ka arritur të rikuperohet në kohë nga dëmtimi i pësuar kundër Egnatias më 1 shkurt. Si pasojë, ai do të humbasë fillimisht ndeshjen ndaj Dinamos nw Kupw dhe më pas derbin e rëndësishëm kundër Partizanit.
Xhixha u dëmtua në Rrogozhinë, ku pasi shënoi golin e fitores, u detyrua të linte fushën e lojës që në pjesën e parë. Mungesa e tij është një goditje për bardheblutë, duke parë historikun pozitiv të sulmuesit në përballjet direkte me Partizanin.
Gjatë sezonit 2021-2022, ai rezultoi vendimtar duke shënuar gola kyç në derbi, përfshirë një dopietë në fitoren 0-2 si mysafir.
Stafi mjekësor po vijon punën për rikthimin e tij, por pjesëmarrja në dy ndeshjet e ardhshme është përjashtuar. Trajneri i Tiranës duhet të gjejë tashmë zgjidhje alternative për fazën sulmuese.
