Mbrojtësi i majtë Melos Bajrami ka zyrtarizuar largimin e tij nga skuadra e Vllaznisë pas dy sezonesh pozitive të kaluara në Shkodër.
Lajmin e ka bërë të ditur vetë futbollisti përmes një mesazhi falënderues në rrjetet sociale drejtuar klubit dhe tifozerisë kuqeblu. Paraqitjet e qëndrueshme në prapavijë gjatë kësaj periudhe kanë bërë që ish-lojtari i Skënderbeut të tërheqë vëmendjen e disa skuadrave të huaja.
Aktualisht, pista më e nxehtë për të ardhmen e tij mbetet kampionati kroat, ku klubi i Goricës ka shfaqur interesin më konkret. Megjithatë, marrëveshja nuk është mbyllur ende përfundimisht, pasi lojtari po vlerëson edhe disa oferta të tjera nga ana sportive dhe financiare.
Ditët e ardhshme pritet të jenë vendimtare për të mësuar destinacionin e ri të 24-vjeçarit.
