Bledi Shkëmbi ka sqaruar arsyet e paraqitjes së tij pranë SPAK. Trajneri i njohur thekson se prania e tij nuk ka asnjë lidhje me hetime penale, por me një çështje thjesht administrative.
Ai shprehet se ka shkuar me iniciativë personale, i bindur se e vërteta duhet sqaruar pa zhurmë dhe pa keqkuptime. Shkëmbi tregon se si administrator i “Top Seven Agency” ka kërkuar lirimin e një automjeti të kompanisë, i cili ishte dhënë me qira dhe më pas ishte vënë nën sekuestro.
Sipas tij, kjo situatë ka sjellë shqetësim dhe paqartësi të panevojshme. Ai nënvizon se aktiviteti i tij profesional kufizohet vetëm në administrimin e kompanisë së makinave me qira.
“Unë shkova vetë sot në SPAK. Nuk më thirrën ata. Shkova atje sepse jam administrator i kompanisë “Top Seven Agency” të makinave me qera. Ata na kanë bllokuar një makinë që kemi pas dhënë me qera dhe unë bëra kërkesë për ta rimarrë”, tha Bledi Shkëmbi.
