Sulmuesi i Kombëtares shqiptare, Myrto Uzuni, do të vijojë karrierën e tij te klubi i Austin në SHBA.
Pavarësisht dakordësisë së lojtarit për t’u transferuar te Trabzonspori, marrëveshja nuk u finalizua për shkak të kohës së pamjaftueshme në dispozicion.
Austin kërkoi një shifër më të lartë se oferta fillestare e klubit turk, e cila kapte vlerën e 6.5 milionë eurove plus 1.5 milionë euro bonuse.
Negociatat parashikonin gjithashtu që klubi amerikan të ruante 15% të vlerës së kartonit në rast rishitjeje. Mbyllja e afatit të merkatos dimërore në Turqi u bë pengesë për arritjen e një akordi të plotë mes palëve.
Aktualisht, Uzuni ndodhet në Amerikë ku po kryen fazën përgatitore pas rikuperimit nga një dëmtim. Ai do të mbetet pjesë e Austin për sezonin e ri, duke mbyllur kështu mundësinë e një kalimi në kampionatin turk.
