Vendimi i Federatës Shqiptare, për të mos përfshirë në katër trajnerët e nominuar për më të mirin e vitit, Ilir Dajën, ka shkaktuar kontestime të mëdha.
Tifozët, ndjekës të kampionatit shqiptar dhe jo vetëm, kanë shpërthyer në komente, kundër vendimit.
Sipas tyre, Ilir Daja, fitues i Kupës së Shqipërisë me Dinamon, duhet të ishte në katërshe, ndoshta edhe si fitues.
Presioni është i madh dhe nuk përjashtohet mundësia, që në vazhdim FSHF-ja ta përfshijë te katër trajnerët e nominuar për çmimin e më të mirit.
FSHF-ja zbuloi sot se katër trajnerët e nominuar janë Edlir Tetova, Ivan Gvozdenovic, Edi Martini dhe Mirel Josa.
