Kategoria e Parë ka dhuruar një nga golat më të bukur të sezonit 2025-2026 në sfidën mes Pogradecit dhe Korabit, e vlefshme për javën e 25-të.
Takimi nisi me një “shok” për vendasit, pasi që në minutën e 3-të, sulmuesi i Korabit, Juxhino Zeqiraj, realizoi një kryevepër të vërtetë.
SHIKONI GOLIN:
Zeqiraj lëshoi një gjuajtje nga një distancë prej më shumë se 50 metrash, duke kapur në befasi portierin Elmadin Mamadov, i cili ishte i pozicionuar paksa jashtë kuadratit. Topi përshkroi një trajektore perfekte për t’u ndalur në rrjetë, duke shtangur tifozët vendas në Pogradec.
Ky realizim i Zeqirajt pritet të jetë pretendent kryesor për “Golin e Vitit” në futbollin shqiptar.
