Goli i realizuar nga Ernest Muçi në ndeshjen ndaj Goztepes është përzgjedhur nga Superliga turke si goli më i bukur i muajit dhjetor.
Ky është vlerësimi i dytë radhazi për sulmuesin e Kombëtares shqiptare, i cili e ka marrë këtë çmim edhe në muajin paraardhës.
SHIKONI VIDEON: Supergoli i shënuar nga Ernest Muçi https://vetemsport.com/supergoli-i-shenuar-nga-ernest-muci/
Megjithatë, klubi i Galatasarayt ka shprehur pakënaqësi lidhur me këtë vendim, duke pretenduar se goli i Victor Osimhen ndaj Samsunspor meritonte vendin e parë. Përmes një komunikimi publik, drejtuesit e ekipit kryesues në Turqi e cilësuan realizimin e sulmuesit të tyre si të pakrahasueshëm.
Pavarësisht kësaj polemike, Muçi po kalon një periudhë aktive në kampionat, duke shënuar shtatë gola në pesë ndeshjet e fundit.
GOLI I OSIMHEN: https://streamin.me/v/254927ea
Statistikat e fundit e rendisin atë si një nga lojtarët më produktivë të fazës aktuale në Turqi. Vendimi i ligës mbetet në fuqi dhe çmimi i është dorëzuar zyrtarisht lojtarit.
