Tomas Strakosha ka qenë sërish protagonist me paraqitjen e tij në kampionatin grek. Portieri i Kombëtares shqiptare priti një penallti në ndeshjen mes Kifisias dhe AEK-ut, që përfundoi me fitoren 3-2 të skuadrës nga Athina.
Kjo ishte penalltia e parë e pritur nga një portier i AEK-ut që prej vitit 2021. Ironikisht, ishte vetë Strakosha që e shkaktoi penalltinë pas një goditje në fytyrë ndaj kundërshtarit. Tre muaj më parë ai ndali një tjetër penallti vendimtare në ndeshjen e Shqipërisë ndaj Letonisë në kualifikueset e Kupës së Botës.
Me këtë performancë, 29-vjeçari konfirmon formën e mirë dhe vlerën që sjell si titullar. Strakosha mbetet një pikë e fortë si për Kombëtaren, ashtu edhe për AEK-un në kampionat.
