Ernest Muçit i është dashur të presë pak për golin e tij të parë në Superligën turke me fanellën e Trabzonsor. Por goli i tij ka ardhur në një moment delikat, kur ekipi i tij po kalon një krizë të vogël në luftën për titullin kampion.
Në ndeshjen e sotme në transfertë ndaj Istanbul Bashakshehir, Trabzonspori shfaqi përsëri vështirësi dhe ishte në ndjekje të vendasve të cilët ishin në avantazh në fund të pjesës së parë edhe pse me 10 lojtarë pas kartonit të kuq të Ebosele.
SHIKONI GOLIN KETU: https://vetemsport.com/goli-i-ernest-mucit/
Trajneri hodhi në fushë Muçin për të rritur forcën sulmuese të ekipit në minutën e 63-të dhe ndryshimi ishte i dukshëm. Trabzonspor fillimisht barazoi rezultatin me penallti e më pas ishte vetë Muçi ai i cili la shenjën e tij në këtë duel, duke kthyer në rrjetë në mënyrë të rrufeshme një pasim nga e majta.
Ky gol përmbysi rezultatin përkohësisht në 3-2 teksa ishte i pari për sulmuesin shqiptar në ndeshje zyrtare që nga ai i shënuar me Beshiktashin në Kupën e Turqisë në muajin prill.
Shifrat u barazuan sapo filloi shtesa dhe u duk se ndeshja do mbaronte me barazim. Por ndryshe e mendonte Muçi, i cili me një gjuajtje të pakapshme me të majtën në minutën e 101-të, i dha suksesin 4-3 ekipit të tij.
🔴🔵 Ernest Muçi'den Trabzonspor'a 90+11'de galibiyeti getiren muhteşem gol! #BFKvTS pic.twitter.com/L0deLdgsNA
— beIN SPORTS Türkiye (@beINSPORTS_TR) November 24, 2025
