Flamurtari u mposht në shtëpi 0-1 nga Elbasani, në një ndeshje plot me tensione, në fushë apo edhe në shkallët e stadiumit. Ndërkohë që pas sfidës, tifozët vlonjatë janë treguar të papërmbajtshëm.
Menjëherë pas daljes nga stadiumit, tifozët e Flamurtarit kanë nisur të përleshen më policinë. Ndërhyrja e shpejtë e forcave të rendit, bëri më pas të mundur shpërndarjen e tifozëve.
Këta të fundit nuk e kanë “kapërdirë” humbjen me Elbasanin. Kujtojmë se edhe gjatë ndeshjes, tentuan që të shkonin drejt sektorit mik, për t’u përleshur. Megjithatë, policia ndërhyri shpejt.
