Mbrojtësi i Kombëtares Shqiptare, Mario Mitaj, po konfirmon rëndësinë e tij te skuadra e Al-Ittihad, duke pësuar një kthesë drastike në të ardhmen e tij.
Ndonëse fillimisht u përfol për një largim të mundshëm, shitja e yllit francez Karim Benzema drejt Al-Hilal ka ndryshuar planet e drejtuesve, duke i krijuar më shumë hapësirë 22-vjeçarit.
Për Mitajn kishte interes konkret nga klube si Al-Nassr në Arabi dhe Atletico Madrid në Spanjë, por mbrojtësi duket se ka fituar tashmë edhe zemrat e tifozëve të Al-Ittihad.
Në stërvitjen e fundit të ekipit, tifozët janë dëgjuar duke kënduar emrin e tij, një dëshmi e qartë e respektit dhe vlerësimit për performancat e tij.
SHIKO KETU:
Ky stabilitet te klubi i tij është një lajm i shkëlqyer për trajnerin e Shqipërisë, pasi Mitaj pritet të jetë një nga shtyllat e formacionit kuqezi për ndeshjet vendimtare “Play-Off” të Kupës së Botës që do të luhen në mars.
