Ish-kapiteni i Tiranës, Mahamadu Dembele, ka nisur një kapitull të ri në karrierën e tij duke u transferuar në kampionatin e Uzbekistanit.
26-vjeçari është zyrtarizuar si lojtari më i ri i Dinamos, skuadër që garon në Superligën e Uzbekistanit dhe shihet mes pretendentëve për titullin kampion, pasi diferenca me vendin e parë është vetëm gjashtë pikë.
Largimi i mbrojtësit nga bardheblutë erdhi në një mënyrë të papritur, pasi ai u konsiderua si “i padëshiruar” nga drejtuesit e Tiranës, pavarësisht faktit se mbante shiritin e kapitenit dhe kishte kontribuar në 48 ndeshje që nga vera e vitit 2024.
Ky transferim shënon edhe eksperiencën e parë të mbrojtësit jashtë kontinentit europian.
Me këtë lëvizje, mbrojtësi mbyll përfundimisht aventurën e tij në Shqipëri për të provuar fatin në një treg në rritje si ai i Azisë Qendrore.
